Hmmmm það er nú það!!!

Vorið á næsta leyti og bráðlega komið sumarfrí frá skólanum það verður nú ljúft. Þetta er búið að vera dáldið strembin önn, en ég er að ljúka íslenskunni núna og eins gott að ég nái því prófi því þessi áfangi er dáldið erfiður.

Páskarnir eru afstaðnir og voru þeir nú bara mjög rólegir, hitti vinina og fór upp í bústað á páskadag og var sá dagur alveg kaloríubombudagur, páskaegg og svo var þríréttað í matinn hjá okkur hehe og svo bakaði Guðbjörg frænka mín rosa gott súkkulaðisuffle og ég var með heita salsasósu og dorritos og ég var nú nokkuð dugleg upp í bústað því ég var að gera verkefni fyrir náttúrufræði og labbaði hring um hverfið okkar svona aðeins til að hreyfa mig og brenna þessu páskaeggi af mér þó svo að það hafi ekki verið mikil brennsla.

Ég held að brjósklosið sé að koma upp eina ferðina enn er alla vegana komin með smá dofa niður í tær og voðalegan verk í mjóbakið og ég er sko ekki sátt og verð að vera dugleg að gera æfingar til að ná því inn aftur. Held að ástæðan sé sú að ég var í útivinnu í 3 daga fyrir páska og beygði mig alltaf vitlaust niður.

Prófin á næsta leyti bara tæpur mánuður þangað til þau byrja og mánuður þangað til ég klára prófin, pælið í því, OMG!!!

Svo heyrði ég í Möggu frænku í dag og erum svona næstum því búin að negla niður helgina sem við ætlum að fara upp á Kaldbak eins gott að það komi ekki jarðaför!!!

Jæja held ég hafi þetta ekki lengra í bili.

Já ég var sko menningarleg í kvöld  og skellti mér í leikhús með systur minni, en ástæðan fyrir leikhúsferðinni er sú að það er skylda í síðasta áfanganum í íslensku að sjá leikrit. Stór hluti af hópnum mínum fór í gær á Rústað en það var bara ekkert að heilla mig (búin að heyra að það koma ógeðslegir atburðir þarna í ljós) þannig að ég skellti mér á Dubbledusch  og ég mæli alveg með því. Ég hló ekkert smá mikið  og leikararnir léku þetta mjög vel. það varð dáldið fyrirsjáanlegt en það eyðilagði ekki neitt og endirinn kom töluvert á óvart, það sem gerði þetta líka dáldið öðruvísi var að salurinn sem við vorum í var lítill og maður næstum sat við sviðið annað en í þessum stóru leikhúsum. Nú bara bíð ég eftir því að kennarinn minn láti mig vita hvernig ég eigi að skrifa leikhúsgagnrýni því ég er nú farin að hlakka dáldið til að gera hana.

Jæja ég held að nú sé kominn tími til að fara að lúlla, ætli ég verði ekki vakin af litlum gríslingum í fyrramálið og þarf þar að auki að læra undir próf og byrja á uppkasti að næstu bókmenntagreiningu. Busy, busy, busy

Góða nótt

Hasta luego

Ætlaði að skrifa eitthvað gáfulegt en held að það verði ekkert úr því.

Ég er búin að vera hálf veik síðan á laugardagsmorgunn og gat sko alls ekki mætt til vinnu í gær sökum veikinda, við skulum bara segja að ég er búin að missa 2 1/2kg síðan á laugardaginn. En ég er mætt til vinnu núna sem betur fer. Nenni ekki að vera veik!!!

Komst að því að ég er klaufabárður en ég eyðilagði iPodinn minn á laugardaginn með því að missa hann á flísarnar heima, ég get að vísu hlustað á hann en allt í stafrófsröð eftir artistum en ég sé ekkert á skjáinn, ég ætla að athuga hvort hægt sé að gera við hann annars er ég búin að redda mér öðrum en frændi minn ætlar að kaupa nýjan fyrir mig út í Svíþjóð og kom með hann í næstu viku þegar hann kemur til landsins. iPod hérna heima er alveg fáránlega dýr en hann kostar 39.000.- alveg fáránlega dýrt það er lagður 3x tollur á hann áður en hann kemur í búðirnar hérna heima. Ég fæ hann sko mikið ódýrari úti hjá frænda mínum.

Jæja verð að fara núna er að fara út að vinna. 

P.S. Get víst ekki hlustað á iPodinn því hann slekkur á sér eftir smá tíma og er bara gjörsamlega í ruglinu. 

 Ég á það víst til að taka ástfóstri við hinum og þessum söngvurum/hljómsveitum og nú er þessi í uppáhaldi hjá mér og heitir David Cook og svo náttúrulega held ég enn upp á Daughtry og Kings of leon. En hér koma nokkur með David Cook 

Ég var að skoða heimabankann minn í morgunn og sá þar að tryggingarnar af bílnum eru komnar inn og hljóðar sá reikningur upp á 138.000.- ég var sko ekki sátt og fór beint niður eftir í VÍS og talaði við þá og þeir ætluðu eitthvað að sjá hvað þeir gætu lækkað þetta mikið af því að ég bý hjá pabba og hann er með tryggingar hjá VÍS. 

Ég vissi að tryggingarnar væru búnar að hækka en ekki alveg svona mikið!!! 

Ok svo fór ég niður í Vörð og þar var lægsta tilboðið 130.000.- svo fór ég niður í TM og þar var lægsta 143.000.- en  ég kíkti einnig á elisabet.is og þar gat ég fengið tryggingu fyrir rúmlega 107.000.- hljómar aðeins betur en mér finnst þetta mikil mismunun fyrir einstakling sem er að borga bara tryggingar af bíl og hefur alltaf verið tjónlaus og borgað sína reikninga á réttum tíma að maður skuli ekki fá nema 10% í afslátt. Á meðan systir mín er að borga 106.000 í tryggingar fyrir íbúð, 2 bíla, og eitthvað fullt meira. Það er sko greinilegt að það er ekki mikið hægt að koma á móti manni.

Ég var svo að fá hringingu núna áðan frá VÍS þar sem þeir lækkuðu tryggingarnar í tæplega 115.000.- þannig að ég er að fá sama afslátt og pabbi og ég er að spá í að halda áfram hjá VÍS. Þannig þeir gátu komið aðeins á móts við mig.